للشـــــــــــــــعر

الأعشاب اللي عندي بابونج+مرمية+نعناع+ريحان+حبة سودا وكلها مفيد للشعر..من كل حاجة شوية، نص معلقة صغيرة مثلا ( أنتِ حطي المتوفر عندك..أي أعشاب ريحتها حلوة ومفيدة للشعر..متتقيديش)
غليت كاسة ميتة وصبيتها فوق الأعشاب وغطيتها عشر دقايق...بعدين صبيت ميتة الأعشاب على الصابونة المبروشة..وأنا بصبها قلت يا بنتي حطي شوية عسل مهو حلو أوي للشعر...ورحت دالقة نص معلقة صغيرة كمانخلطتهم بشويش بالمعلقة لحد ما ذابت نص الصابون المبشور...سبتهم يجي ربع ساعة لقيت أغلب الصابونة دايبة والريحة بتجننننننننن...ريحة أعشاب بتفتح النفس.
دخلت أستحمي..وفضلت تحت المية لحد ما أغلب البصل والتوم راحوا ورحت دالقة الخلطة ولقيتها عملت رغوة جااااااااااااامدة غير الريحة اللي فاحت بالحمام..فضلت أدلك شعري بشويش.
بعدين غسلته بالمية..طبعا صابونة زي الزيتون بتنشف الشعر شوية..حنعمل إيه يا حلوين؟؟نستخدم البلسم الجباااااااااار والرائع للشعر..أحسن بلسم بالعالم....خل التفاح...نص الكاسة خل التفاح ونصها مية وتدلقيها فوق شعرك وتسيبيها دقيقتين..
تشطفيه وتطلعي من الحمام..ريحتك واوووووووووو وشعرك متغذي وما أظنش فيه أحسن من كده أنا والله بكتب لكم وكل شوي بشم شعري.حاجة تحففففففففة...ريحته أعشاب والله..ولا كأني حطيت لا توم ولا بصل والمفاجأة بقى إني دخلت الحمام أرجع المنشفة لقيت كمان ريحته حلوة أوي!!!
المرة الجاية حقلل كمية الصابونة عشان ما تنشف شعري ..حخليها مثلا معلقة أكل واحدة وحزيد العسل أخليه معلقة برضة..نسيت أحط أكليل الجبل مع إنه عندي بس التلفون لخمني ..بإذن الله ححط بصل على الأقل مرة كل أسبوع والريحة باي باي وكله طبيعي وغذاااا.