غدانا النهاردة ب 10 جنية وبيضة

[ندعوك للتسجيل في المنتدى أو التعريف بنفسك لمعاينة هذا الرابط]
مساء الخير يا قمرات
حبيت النهاردة اوريكوا غدانا كان اية
شوفى يا ستى الاول وبعدين نتكلم
[ندعوك للتسجيل في المنتدى أو التعريف بنفسك لمعاينة هذا الرابط]
المقادير والطريقة

1/2 كيلو كبد وقوانص ب 10 جنية
عملت معاه يا سيتى رز معمر
قطعت الكبد والقوانص حتت صغيرة وغسلت الرز وحطيت حبة صغيرين فى صينية وعليها نص الكبد والقوانص
وعليها ملح وفلفل وباقى الرز
هتحطى اللبن على الرز ومعاه مية والملح وعلى الفرن طوالى

وادى النتيجة
[ندعوك للتسجيل في المنتدى أو التعريف بنفسك لمعاينة هذا الرابط]
نيجى بئى لنص الكمية الباقى نقطعه حتت رفيعة جدا بالشكل دة
[ندعوك للتسجيل في المنتدى أو التعريف بنفسك لمعاينة هذا الرابط]
وحطيت عليها بصلة مبشورة وخضرة مقطعة صغير وكمان سلقت واحدة بطاطس كبيرة نص سلقة وبشرتها على الخليط
بالشكل دة والملح والفلفل والبهارات
[ندعوك للتسجيل في المنتدى أو التعريف بنفسك لمعاينة هذا الرابط]
يلا بينا نشكل كفتتنا الحلوة
انا عملت مدور وصوابع
[ندعوك للتسجيل في المنتدى أو التعريف بنفسك لمعاينة هذا الرابط]
فاكرين البيضة باضحك
يلا نضربها بحبه فلفل وندهن القرص او الصوبع بتاعنا ونلفه بالدقيق وعلى الزيت على طول عشان تتحمر

وادى النتيجـــــــــــــــــــــــة
[ندعوك للتسجيل في المنتدى أو التعريف بنفسك لمعاينة هذا الرابط]
وطبعا ما اقولكوش على الريحة كانت تحفة ازاى وعملت معاها شيبسى وسلطة وكوووووول بالف هنا
ما تمدى ايدكم وبسم الله معانا
[ندعوك للتسجيل في المنتدى أو التعريف بنفسك لمعاينة هذا الرابط]