كريب ولا اجمل

موضوع: كريب ولا اجمل الخميس يناير 24, 2013 3:39 pm

[ندعوك للتسجيل في المنتدى أو التعريف بنفسك لمعاينة هذا الرابط]

المقادير:
1.5 كوب دقيق
4 بيض
2 ملعقة زبدة سايحة
0.5 لتر لبن
ذرة ملح - ملعقة صغيرة سكر ( فى حالة لو الكريب حلو تستبدل ب4 ملعقة صغيرة قرفة او كاكاو بودر )

الطريقة:
نخلط الدقيق مع البيض والزبده والملح والسكر فى الخلاط او المضرب اليدوى
ثم نضيف اللبن ونخلط كويس ( فى حالة الخلط يدويا يجب تصفيته جيدا )
نسيبه نص ساعه ليرتاح ونجهز الحشوات

الحشوات اللى استخدمتها:

* همبرجر مشوى
*قطع فراخ مشوحة مع بصل وفلفل الوان ومتيبلة بملح وفلفل وكارى وفى الاخر ضيفت عليها شوية زيتون اسود
*سوسيس مقطع شوحتله بصلة وفلفل الوان ( وممكن فلفل اخضر بس) وواحدة طماطم صغيرة ونزلت عليهم بالسوسيس وغطيته على نار هادية لما استووا وطبعا شويه ملح وفلفل اسود

تسوية الكريب:

نسخن طاسة تيفال ونمسحها بمنديل مبلل بشوية زيت وننزل عليها بملو كبشة من الخليط ونفرده بسرعة فى الطاسة بحيث يملاها من كل الاتجاهات ونسويه على نار هادية لما ياخد اللون الدهبى الفاتح نقلبه بهدوء على الجنب التانى لغاية ما ياخد اللون الدهبى برضه

نكرر نفس العملية لغاية المقدار ما يخلص وفى كل مرة نمسح الطاسة بمنديل مبلل بالزيت
لتجهيز الكريب ندهن كاتشب ومايونيز ونضيف جزء من الحشو وفوقه جبن شيدر وموزاريللا ( وطبعا الحشو كل واحده وذوقها)
نطبقه على شكل مثلث وناخده على الطاسة الساخنة تانى علشان الجبنة اللى جوه تسيح وكمان علشان يقرمش شوية زى الجاهز وبنحط كل وش حوالى دقيقتين ويقدم ساخنا
وبالهنا والشفا

ودى صور الخطوات بالتفصيل
[ندعوك للتسجيل في المنتدى أو التعريف بنفسك لمعاينة هذا الرابط]

المقدار ده عمل 9 وحدات وممكن لو حجم الطاسة اصغر يعمل اكتر
ممكن يتحشى كمان بانيه او تشكيلة جبن او سى فوود
والحلو ممكن تفاح او موز او شوكولاته

ما تنسوش بقى اللى يعجبها الموضوع تقيمه

» مع اجمل واحدث الالعاب الخفيفة والممتعه باحجام صغيرة من رفع الاعضاء وعلى اكثر من سيرفر