كيكة وتورتة وجاتوه وترايفل بعجينة واحدة بس

[ندعوك للتسجيل في المنتدى أو التعريف بنفسك لمعاينة هذا الرابط]

ياه!
عملت كل دة بالكيكة السحرية
مبروك عيد الميلاد
كيكة الشاتوه
بصراحة كيكة سهلة وسريعة ونتايجها مضمونة جدا
ومحدش يقولي (اصل انا معرفش اصل انا فاشلة في الحلويات )
مش في المود خالص
لأهتعملي تورتة وجاتوه كمان مالكيش حجة انتي وهيا مفيش اسهل من كدة
مالكيش دعوة
دي اول حاجة
كيك الشاتوه بصوص الشوكولاتة
[ندعوك للتسجيل في المنتدى أو التعريف بنفسك لمعاينة هذا الرابط]

في الخلاط ( 1كوب سكر +1كوب سمن +1كوب حليب+3 معالق كبيرة كاكاو خام )
وزززززززززززززز واديلو ادي اديلو ادى
شيلي نص كباية من الكلام دة على جنب في التلاجة
وبعدين 3 بيضات وكيس فانيليا واديلو ادي اديلو ادي
وبعدين 2 كوب دقيق منخول مع ذرة ملح وكيس بودر
واديلو ادي بس المرادي مش اوي هههه
وتدخليها الفرن 180 المتسخن من ربع ساعة لمدة من تلت الى نص ساعة وبعدين طلعيها وخرمي وشها بالشوكة واسقيها الصوص ورشي جوزهند او فورماسيلا او مكسرات وعالتلاجة علطول
[ندعوك للتسجيل في المنتدى أو التعريف بنفسك لمعاينة هذا الرابط]

تاني حاجة
شاتوه كب كيك
نفس الحوار بس تصبي العجينة في قوالب كب كيك
[ندعوك للتسجيل في المنتدى أو التعريف بنفسك لمعاينة هذا الرابط]

ودة شكل تاني
[ندعوك للتسجيل في المنتدى أو التعريف بنفسك لمعاينة هذا الرابط]

تالت حاجة
الجاتوه
[ندعوك للتسجيل في المنتدى أو التعريف بنفسك لمعاينة هذا الرابط]

تعملي شاتوه ابيض نفس الطريقة بس بدل الكاكاو 3 معالق نيدو والنص كباية اللي حجزتها ضفتلها معلقة جيلي احمر وقلبتها عالنار شوية وحشيت بيها الجاتوه مع الكريم شانتيه
وتخبزي العجينة في صاج سويسرول او اي صنية مستطيلة وتقطعيه مستطيلات ومربعات وسامبوكسات وتزيني براحتك شوفوا الحركات
[ندعوك للتسجيل في المنتدى أو التعريف بنفسك لمعاينة هذا الرابط]

واللي باقي مطرح تقطيع الجلتوه اوعي ترميه اعملي بيه
ترايفل
[ندعوك للتسجيل في المنتدى أو التعريف بنفسك لمعاينة هذا الرابط]

هاتي كاسات وبطنيها ببواقي الكيك في القعر والجناب واسقيها اي عصير او جيلي بارد وبعدين حطي موز وفلااولة وبعدين طبقة كاسترد وفوق طبقة كريم شانتيه وزيني الوش
[ندعوك للتسجيل في المنتدى أو التعريف بنفسك لمعاينة هذا الرابط]

اخيرا
التورتة
[ندعوك للتسجيل في المنتدى أو التعريف بنفسك لمعاينة هذا الرابط]

نفس كيكة الشاتوه الشوكولاتة تقسميها من النص وتسقيها سيرب على خفيف وتحشيها كريمة
وتزينيها من فوق براحتك
معلش ما قطعتهاش وصورتها من جوة لاني كنت واخداها هدية لصحابي
واللي يعجبها الموضوع تدعيلي بحسن الخاتمة [/right]